गजल - शीर्षक : सत्यको विजय
झुटको खेती बाँजो खेतमा कहिल्यै सप्रिएको छ र
सानु ?
बगरमा बालुवाको महल कहिल्यै
बनिएको छ र सानु ??
तिमले जति प्रपञ्च रचे पनि
अन्तत: सत्यको नै जीत हुन्छ ।
असत्यको जीत यहाँ कहिल्यै
इतिहासमा भएको छ र सानु ??
हिजो मैले तिम्रा खातिर
ज्यानै फाली लडेकै थिएँ आखिर ।
आखिर नलड्नेले युद्ध
कहिल्यै जीतेको देखिएको छ र सानु ??
काम गर्दा सबै सम्झौता
लिखापढिमा मात्र हुने गर्दैनन् ।
अविश्वासका सामु विश्वास
कहिल्यै हारेको छ र सानु ??
हामी बिचको सम्झौतालाई
तोड्न तिमी सबैलाई गुहारिछौ ।
सत्यता र विश्वासलाई बुझ्नेहरुबाट
साथ तिमिले पायौ र सानु ??
सत्यता र विश्वासका सामु
तिमले अन्तत: नीरिह भै झुक्नैपर्यो ।
नैतिकता र विश्वास गुमाउन
के तिमी निर्वश्त्र हुनैपर्छ र सानु ??
Comments
Post a Comment